«Վերադարձ դեպի ինքդ քեզ»

Երբ երկար ժամանակ ապրում ես «պետք է»-ների, պարտականությունների, հարաբերությունների, աշխատանքի և ուրիշների սպասումների մեջ, երբեմն մի պահ նկատում ես, որ ինչ-որ բան փոխվել է։

Դու շարունակում ես ապրել, որոշումներ կայացնել, հոգալ բոլորի մասին, բայց ավելի դժվար է հասկանալ՝

Իսկ ես ի՞նչ եմ ուզում։
Ի՞նչ եմ զգում։
Ի՞նչ է պետք ինձ։
Եվ ո՞վ եմ ես այս ամենից դուրս։

 

90 րոպեում դու կանցնես քեզ վերադառնալու 8 քայլերով
 

1. Ես կանգ առա

Առաջին քայլը ոչինչ չշտկելն է։

Պարզապես կանգ առնել և նկատել՝ ինչ է կատարվում ինձ հետ հիմա։

Կփորձենք մի պահ դուրս գալ առօրյա արագությունից և ուշադրությունը վերադարձնել մեզ։

2. Ես նկատեցի, թե որտեղ եմ կորցրել ինքս ինձ

Երբեմն մենք մեզ չենք կորցնում մեկ մեծ որոշման պատճառով։

Դա կարող է տեղի ունենալ փոքր-փոքր՝ երբ լռում ենք, երբ չափից շատ հարմարվում ենք, երբ անում ենք այն, ինչ «պետք է», երբ ուրիշների կարիքները մշտապես դնում ենք մեր կարիքներից առաջ։

Կփորձենք տեսնել՝

որտե՞ղ և ինչպե՞ս եմ ես սկսել հեռանալ ինքս ինձնից։

3. Ես տեսա, թե ինչպիսին եմ իրականում

Մեր մասին պատկերացումը հաճախ խառնվում է այն ամենի հետ, ինչ մեզնից սպասել են։

Լավ դուստր։
Լավ մայր։
Լավ զուգընկեր։
Լավ մասնագետ։
Ուժեղ կին։

Բայց այս բոլոր դերերից դուրս՝ ո՞վ եմ ես։

Այս հատվածում կփորձենք տարբերել այն, ինչ իրականում մերն է, այն կերպարից, որին սովորել ենք համապատասխանել։

4. Ես հանդիպեցի իմ զգացմունքներին և մարմնին

Մենք հաճախ փորձում ենք հասկանալ մեզ միայն մտքով։

Բայց մեր մարմինը նույնպես արձագանքում է այն ամենին, ինչ ապրում ենք։

Կփորձենք ոչ թե վերլուծել ամեն զգացողություն, այլ նկատել այն։

Ի՞նչ է կատարվում մարմնում։
Ի՞նչ եմ զգում։
Ի՞նչ է այդ զգացողությունը փորձում ինձ ասել։

5. Ես լսեցի իմ իրական ցանկությունները

Երբ երկար ժամանակ ապրում ենք «պետք է»-ներով, երբեմն դժվարանում ենք տարբերել սեփական ցանկությունը սովորած սպասումից։

Ի՞նչ եմ ես իրականում ուզում։

Ոչ թե՝ ինչն է ճիշտ։
Ոչ թե՝ ինչն է հարմար ուրիշներին։
Ոչ թե՝ ինչն է ինձնից սպասվում։

Այլ՝ ինչն է իմը։

6. Ես հիշեցի իմ սահմանների մասին

Սահմանները միայն «ոչ» ասելը չեն։

Դրանք հասկանալն են՝

ինչն է ինձ համար ընդունելի,
ինչն այլևս ընդունելի չէ,
և ինչի կարիքն ունեմ, որպեսզի ինձ անվտանգ ու հարգված զգալ։

Կանդրադառնանք այն իրավիճակներին, որտեղ գուցե համաձայնվում ենք, լռում կամ հարմարվում՝ մեր իրական ցանկության փոխարեն։

7. Ես հանդիպեցի իմ իրական «Ես»-ին

Այս ամբողջ ճանապարհից հետո գալիս ենք ամենակարևոր հարցին՝

Իսկ ով եմ ես, երբ չեմ փորձում լինել այնպիսին, ինչպիսին ինձնից սպասում են։

Կփորձենք հավաքել նախորդ քայլերի ընթացքում նկատածը՝ մեր զգացմունքները, կարիքները, ցանկությունները, արժեքներն ու սահմանները։

Ոչ թե ստեղծել նոր «Ես»։

Այլ ավելի մոտենալ այն «Ես»-ին, որն արդեն կա։

8. Ես ընտրեցի՝ ինչպես վերադառնալ ինքս ինձ իրական կյանքում

Վեբինարը չի ավարտվելու պարզապես «շատ բան հասկացա» զգացողությամբ։

Վերջում կփորձենք այդ ամենը տեղափոխել իրական կյանք։

Ի՞նչ եմ պատրաստ փոխել։
Ի՞նչ եմ պատրաստ սկսել։
Ի՞նչ եմ պատրաստ դադարեցնել։
Որտե՞ղ եմ պատրաստ առաջին անգամ ընտրել ինձ։

Դու կձևակերպես քո վերադարձի առաջին հստակ քայլը, որը կարող ես իրականացնել արդեն վեբինարից հետո։

Քո հարցը նույնպես կարող է դառնալ այս հանդիպման մասը

Այս հանդիպումը միայն պատրաստված նյութ լսելու մասին չէ։

Live-ի ընթացքում կարող ես Հեղինեին ուղղել քեզ հուզող հարցը կամ ներկայացնել քո իրավիճակը։

Եթե նախընտրում ես հարցդ չտալ հանդիպման ընթացքում, կարող ես այն նախապես ուղարկել՝

[email protected]

Հեղինեն կանդրադառնա քո հարցին լիովին անանուն։
 

Ինչ կստանաս այս հանդիպումից

90 րոպեի ընթացքում դու՝

• կկանգնես և կնկատես, թե ինչ է իրականում կատարվում քո ներսում,
• կտեսնես՝ որտեղ ես կորցրել կապը ինքդ քեզ հետ,
• ավելի հստակ կտեսնես քեզ՝ քո դերերից և ուրիշների սպասումներից դուրս,
• կաշխատես քո զգացմունքների և մարմնի ազդանշանների հետ,
• կփորձես տարբերել քո իրական ցանկությունները «պետք է»-ներից,
• կվերանայես քո սահմաններն ու այն տեղերը, որտեղ դրանք այսօր դժվարանում ես պահել,
• ավելի կմոտենաս քո իրական «Ես»-ին,
• և վերջում կձևակերպես քո առաջին իրական քայլը՝ դեպի ինքդ քեզ վերադարձի համար։

Սա 90 րոպե է, որի ընթացքում դու կանգ ես առնում, որպեսզի նորից լսես քեզ, զգաս քեզ և ընտրես քեզ։ 🤍